«Халыққа жаңа жұмыс орындарын ашқым келеді»

Олжас Қасым

  • 08.04.2020

Бүгін «Қазатомөнеркәсіп» ұлттық компаниясының бұрынғы басшысы Мұхтар ЖӘКІШЕВ facebook.com әлеуметтік желісінің тікелей эфиріне шықты. Ол биылғы жылдың 19 наурыз күні Семейдегі ОВ-156/14 түзету мекемесінен босап шыққан еді. 11 жыл түрмеде отырған Мұхтар ЕРКІНҰЛЫН құқық қорғаушылар «саяси тұтқын» деген болатын.

«Менен Қазақстанның экономикалық жағдайына байланысты сұрап жатыр. Экономиканы дамытудың стандартты механизмдері бар. Оны қайталап айтудың қажеті шамалы. Экономикалық сауатты кеңес беру үшін тиісті ақпараттар керек. Оны сараптау ләзім. Мен ешқашан бір нәрсені түбегейлі зерттемей жатып пікір айтқан емеспін. Қан қысымым аяқасты көтеріле береді. Сондықтан экономикаға қатысты анализдер жасауға шамам жоқ», - деді Мұхтар Жәкішев.

Сондай-ақ, ол карантин жағдайында әрбір азаматты жауапкершілік пен тәртіпке шақырды.

«Италия мен Испания коронавирусқа бей-жай қарағандықтан қиын жағдайға тап болды. Медицинасы, экономикалық әлеуеті бізден зор Италияда қазір не болып жатыр? Жаман айтпай жақсы жоқ. Бұл жағдай біздің басқа келсе не боларын ойлаудың өзі ауыр. Сондықтан тәртіп сақтау қажет. Менің бостандыққа шығуым карантинмен тап келді. Көп адамға бұл қиындық тудырды. Маған бұл үйреншікті жағдай. 11 жыл қамауда отырдым. Ал қазір жақындарымның қасындамын. Бақыт деген осы ғой!», - деді Мұхтар Еркінұлы.

"Қазақстанға атом электр станциясы керек пе?" деген сұраққа да жауап айтылды.

«АЭС-тің зияны туралы айтатын адамдардың қолында ақпарат аз деп ойлаймын. Қазір 3D атом электр станциялары салынып жатыр. Ол - қауіпсіз. АЭС-тің болашағы бар. Еуропа да соған көшеді деп ойлаймын. Қысқасы, Қазақстанға да қажет. Көмір станцияларының ғұмыры 20-30 жыл. Әрі экологияға зиян. Ал АЭС қоршаған ортаны олай былғамайды. 60 жыл қызмет ете алады. Және халыққа арзан энергия береді. Бірақ бізге 300 мегабайттық станциялар керек.»

Мұхтар Жәкішев тікелей эфирді көріп отырған мыңдаған көрерменіне түрмеде Жапония энергетикасының дамуына арналған концепция жазғанын да айтып берді. Алдағы жоспарымен де бөлісті.

«Жоспарларым бар. Оны жүзеге асыру үшін денсаулығымды реттеп алуым керек. Қазіргі жағдайда дәрігерлер тек коронавируспен күресіп жатқанын білесіздер. Пандемия әлемдік дағдарысқа алып келеді. 1997 жылы шикі затқа қараған мемлекетіміз қиын жағдайға тап болған. Бірақ ол кезде аздаған кәсіпорындарымыз болды ғой. Ендігі дағдарыс бәрінен де ауыр болады. Мен өз білетін саламмен айналасқым келеді. Кәсіпорындар құрып, халыққа жаңа жұмыс орындарын ашсам деймін», - деді Жәкішев.

Сөз соңында Мұхтар Жәкішев 11 жыл бойы өзін қолдаған барлық адамға алғысын білдірді.

МАТЕРИАЛДЫ КӨШІРІП БАСУҒА БОЛМАЙДЫ. 

Фото: yandex.kz

Байланысты жаналықтар

Депутат Жаңбыршин атом энергиясы бойынша Франция өкілімен кездесті

31.05.2023

АЭС энергетикалық тапшылықтың алдын алады

28.03.2023

АҚШ, Қытай және Ресей: Қазақстанда АЭС салуы мүмкін

27.06.2022

Атомное обнуление. Об АЭС теперь решений нет

03.02.2022

АЭС салатындай Түркияның басына не күн туды?

22.12.2021

Мамин мектептерді ашпақшы. Қауіп жоқ па?

11.08.2021
MalimBlocks
Депутат Жаңбыршин атом энергиясы бойынша Франция өкілімен кездесті

Мәжілістің Экология мәселелері және табиғат пайдалану комитетінің төрағасы Еділ Жаңбыршин бүгін Францияның Атом энергиясы жөніндегі өңірлік кеңесшісі Александр Горбачевпен жүздесіпті.

АЭС энергетикалық тапшылықтың алдын алады

Атом энергетикасы саласының мамандары бүгінде Қазақстан халқына АЭС-тің еліміз үшін аса қажет екенін, оның экологиялық тұрғыдан тиімді екенін нақты дәлелдерді келтіріп, жұрттың көзін жеткізіп келеді.

АҚШ, Қытай және Ресей: Қазақстанда АЭС салуы мүмкін

Қазақстанда бірінші Атом электр станциясын (АЭС) салуға төрт мердігерден тізім жасалды. Бұл туралы энергетика министрлігінің баспасөз қызметі хабарлады.

Атомное обнуление. Об АЭС теперь решений нет

Напомним, ранее риторика властей относительно строительства АЭС, несмотря на то, что в обществе звучала критика, была более категоричной.

АЭС салатындай Түркияның басына не күн туды?

Мамин мектептерді ашпақшы. Қауіп жоқ па?