Президент карантиннің қашан аяқталатынын айтты

Malim Админ

  • 27.04.2020

Мемлекет басшысы Қасым-Жомарт ТОҚАЕВ өткен аптада берген уәдесінде тұрып, карантинге қатысты үндеуін халыққа Ақорданың сайты арқылы жолдады. Ондағы басты жаңалық -  президент 11 мамырға дейін карантин мерзімін ұзартуға жарлық шығармақ.

Тоқаевтың сөзінше, Қазақстанда кең жайылып кетпеуі үшін күрделі, бірақ аса қажет шешім қабылдаған, және "соның арқасында індет жаппай таралмаған".

"Қазіргідей күрделі кезде әрбір азамат біздің назарымызда болады. Мемлекет ешкімді қиындықта қалдырмайды" деген мемлекет басшысы  4 миллион 250 мың азаматқа қаржылай көмек көрсетілгенін, 570 мыңнан астам адамға азық-түлік таратылғанын алға тартады. Бұдан бөлек, жалпы, 1,1 миллионнан астам адамды азық-түлікпен қамтамасыз етуді жоспарлап қойыпты. Елімізде азық-түлік тапшылығының жоқ деген президент жергілікті билік органдары әлеуметтік маңызы бар тауарлардың бағасын бақылауда ұстап отырғанына сенімді екен.

"Біз індетпен күрестің алдыңғы шебінде жүрген дәрігерлерді қаржылай қолдап жатырмыз. Денсаулық сақтау министрлігі және әкімдер басқа да медицина қызметкерлеріне көмек көрсету үшін шаралар қабылдауда. 1,6 миллионнан астам адам, 11,5 мың шағын және орта бизнес өкілі несиелерін кейін төлеуге мүмкіндік алды. Бұл жалпы алғанда 360 миллиардтан астам теңгені қамтиды. Бүгінде шағын және орта бизнес күрделі жағдайға тап болды. Осы салаға қазір көмектеспесек, экономиканы қалпына келтіре алмаймыз. 700 мыңнан астам компания мен жеке кәсіпкерге салықтық жеңілдіктер жасалды. Сол арқылы олар 1 триллион теңгеге жуық қаржыны үнемдей алады" делінген үндеуде.

Шағын және орта бизнеске тиімді несие беру үшін қаражат бөлінген екен. Ауылшаруашылығына көрсетіліп жатқан қолдауларды қалдырмай жазған президент "қол жеткізген нәтижемен шектелуге болмайды. Қалыптасқан ахуал әлі де күрделі" депті.

Карантин режімін барынша сақтау қажеттілігіне тоқталған президент "еліміздегі қазіргі ахуалға байланысты және Мемлекеттік комиссияның ұсыныстарын негізге алып, мен Төтенше жағдай режимін биылғы 11 мамырға дейін ұзарту туралы Жарлық шығару жөнінде шешім қабылдадым. Бұл – біз бастан өткеріп жатқан күрделі кезеңнің талабы. Заңға сәйкес 11 мамырда Төтенше жағдай режимі аяқталады" депті. 

Табысынан айырылған азаматтарға 42500 теңге көлемінде көмек беріле беретінін, мұқтаж отбасылар азық-түлік ала беретінін, оқшаулану кезінде ата-аналарға кішкентай балаларымен төрт қабырғаға қамалып отыру оңай еместігіне тоқталған Қ.Тоқаев мемлекеттік комиссия осындай мәселелерді қалдырмай қарастырғанын, енді оны шешу жолын айтарын хабарлайды екен.

Тоқаев айтқан бір жаңалық - Үкімет 1 мамырдан бастап Елорда мен Алматы арасындағы әуе рейстерді ашпақ. Мұндай шара азаматтармен қатар індетпен күресіп жүрген көптеген мамандардың жұмысы үшін қажет екен.

Ал ойын-сауық және сауда орталықтары, кинотеатрлар, ресторандар, саябақтар мен адам көп жиналатын басқа да орындар әзірге жабық болады дейді.  Жоғары оқу орындары, колледждер, мектептер қашықтан оқытуды жалғастыра бермек. Ел тұрғындарын бұл шараларға түсіністікпен қарауға шақырамын дейді президент.

Сондай-ақ, карантин мезгілі мен одан кейінгі қиындықты қалай еңсеруді Елбасы біліп отыр депті.

Ал, Үкімет пен Ұлттық банк 11 мамырға дейін Экономикалық дамуды қалпына келтіру жөніндегі кешенді жоспарды дайындайды екен. Біз біргеміз деп аяқталған үндеудің бір қорытындысы да осы болғандай: енді 11 мамырда үкімет пен ұлттық банк халыққа не жоспар ұсынбақ?

Фото: ainews.kz

Байланысты жаналықтар

Си Цзиньпин шілдеде Қазақстанға келеді

28.03.2024

Оралов Президент әкімшілігіне оралды

28.03.2024

Мәскеудегі теракті салдарынан қаза тапқандар саны 143 адамға жетті 

28.03.2024

Тоқаев: Қытайдың салған инвестициясының тең жартысы Қазақстанның үлесіне тиесілі

28.03.2024

Шарлапаев ведет Казахстан в промкооперацию ЕАЭС. Кому это выгодно?

27.03.2024

Қырғыз олигархы Райымбек Матраимов ұсталып, Бішкекке жеткізілді

27.03.2024
MalimBlocks
Си Цзиньпин шілдеде Қазақстанға келеді

Бұл туралы Тоқаевтың Бүкілқытайлық халық өкілдері жиналысы Тұрақты комитетінің төрағасы Чжао Лэцзимен кездесуінде белгілі болды, деп хабарлайды Malim.kz.

Оралов Президент әкімшілігіне оралды

Бұрынғы Мәдениет және спорт министрі Асхат Оралов Президент Әкімшілігінің мемлекеттік инспекторы болып тағайындалды, деп хабарлайды Malim.kz.

Мәскеудегі теракті салдарынан қаза тапқандар саны 143 адамға жетті 

Ресей Төтенше жағдайлар министрлігі «Крокус Сити Холлға» жасалған шабуылда және одан кейін қаза тапқандардың тізімін жаңартты. 27-наурыз түнде таратылған мәліметке сәйкес, қаза тапқандар саны 143 адам болған.

Тоқаев: Қытайдың салған инвестициясының тең жартысы Қазақстанның үлесіне тиесілі

Президент Қасым-Жомарт Тоқаев Боао Азия форумының ХХІІІ сессиясына қатысу үшін Халықаралық конференциялар орталығына барды, деп хабарлайды Malim.kz.

Шарлапаев ведет Казахстан в промкооперацию ЕАЭС. Кому это выгодно?

В среду, 27 марта, депутаты мажилиса напоминали ежиков из избитого анекдота, которые кололись, плакали, но продолжал есть кактус. Министр промышленности и строительства Канат Шарлапаев пришел к ним на пленарку, чтобы те ратифицировали протокол о внесении изменений в Договор о ЕАЭС. В нем появится новая норма о реализации государствами-членами ЕАЭС совместных кооперационных проектов в отраслях промышленности.

Қырғыз олигархы Райымбек Матраимов ұсталып, Бішкекке жеткізілді

Қырғызстан кеден қызметі басшысының бұрынғы орынбасары Райымбек Матраимов Бакуден Бішкекке экстрадицияланды, деп хабарлайды Kaktus.media-ға сілтеме жасаған Malim.kz.