Сенатқа келген заң мәжіліске кері қайтты

Malim Админ

  • 14.05.2020

Бүгін парламенттің жоғарғы палатасы сенаттың жалпы отырысында «Қазақстан Республикасында бейбіт жиналыстарды ұйымдастыру және өткізу тәртібі туралы» заң жобасын талқылады. Ақпарат және қоғамдық даму министрлігі әзірлеген бұл құжатты мәжіліс депутаттары мақұлдаған болатын. Алайда, заң жобасын қарап шыққан сенаторлар бірқатар өзгерістерді ұсынды.

Мемлекет басшысы Қасым-Жомарт ТОҚАЕВТЫҢ бастамасымен әзірлеген жаңа заң жобасы ел азаматтарының бейбіт митингіге, демонстариция мен шеру, пикеттер өткізу кезінде конституциялық құқығын қорғамақ.

Сонымен не өзгеру керек? Сенаторлар Нұр-Сұлтан, Алматы, Шымкент және облыс орталықтарында пикеттер, жиналыстар мен митингілер үшін арнайы орындар саны қаланың әрбір ауданының орталығында жоқ дегенде үшеу болу керек. Бейбіт жиналыстарды ұйымдастырушының оған қатысушылардан өз бетін бүркемеу тиіс. Митинг  ұйымдастырушылар мен қатысушылардың денсаулық сақтауға арналған жеке қорғаныш құралдарын пайдалану жөніндегі құқығын бекіту қажет.

«Қаралған заң жобалары еліміздің одан әрі дамуына оң әсер етеді. Ұсынылып отырған құжаттар Қазақстандағы саяси үдерістерді одан әрі дамыту, адам құқықтарын қамтамасыз ету мен демократияландыру жолындағы маңызды қадам деп айтуға толық негіз бар», – деді сенат төрағасы Мәулен САҒАТХАНҰЛЫ.

Сенат депутаттары  бас-аяғы алты бапқа байланысты 16 ұсыныс жасап, оны депутаттардың түгелдейі қолдап шықты. Бас баяндамашы сенат депутаты, конституциялық заңнама, сот жүйесі және құқық қорғау комитетінің мүшесі Сәрсембай ЕҢСЕГЕНОВТІҢ айтуынша, «қоғамда кеңінен талқыға түскендіктен» осындай өзгертулер енгізіп отыр екен.

«Заң жобасын талқылау барысында бейбіт жиындар ұйымдастыру және оны өткізу үшін арнайы орындар белгілеу және олардың санына қатысты сұрақтар туындады. Ол қоғамда да кеңінен талқыға түскен. Мәселені қарап комитет астананың, респуликалық маңызы бар және облыс орталықтары болып есептелетін қалалар мен олардың құрамына кіретін аудандарда арнайы орындар міндетті түрде орталықта орналасуын және олардың саны үштен кем болмауы тиіс деген шешімге тоқтады», – деді ол. 

Саясаттанушы Ерлан САЙРОВТЫҢ айтуынша, мәжіліс мақұлдаған заңды сенаттың кері қайтаруы демократиялық үрдіс. Қоғам белсенділері, құқық қорғаушылар және т. б мамандар талқылаған заңның парламент қабырғасында да қызу талқыға түсуі заңды дейді.

«Бұл заң жобасын әзірлеу барысына мен де қатыстым. Жұмыс тобының мүшесі болдым. Заңға қатысты үш нәрсеге тоқталғым келеді. Біріншісі, Қазақстанда бейбіт митингі өткізуге ынталы адамдарға мемлекеттік органдар кедергі жасай алмайды. Екіншіден, біз рұсат сұрау жүйесінен құлақтандыру жүйесіне өтіп жатырмыз. Бұл өзге елдерде бар практика», - дейді саясаттанушы Сайыров.

С. Назарова

Фото: parlam.kz

 

 

 

 

Байланысты жаналықтар

Мемлекет басшысы Мәулен Әшімбаевты қабылдады

05.03.2024

Сенат Төрағасы Ұлытау облысының жұртшылығымен кездесті

03.07.2023

Ауыс-түйіс: Босаған 13 сенатордың 4-уі қайта оралды

24.01.2023

Буча мәселесін БҰҰ қарау керек - Әшімбаев

07.04.2022

М.Әшімбаев: Ешқашан білдім, толдым деп тоқмейілсуге болмайды

24.11.2021

Әшімбаев "ашаршылықты саясиландырудың қажеті жоқ" деп есептейді

16.02.2021
MalimBlocks
Мемлекет басшысы Мәулен Әшімбаевты қабылдады

Сенат Төрағасы Ұлытау облысының жұртшылығымен кездесті

Сенат Төрағасы Мәулен Әшімбаев Ұлытау облысының мәслихат депутаттары, ақсақалдары және жастарымен кездесті.

Ауыс-түйіс: Босаған 13 сенатордың 4-уі қайта оралды

Мемлекет басшысы бүгін 13 сенатордың өкілеттілігін тоқтатты.

Буча мәселесін БҰҰ қарау керек - Әшімбаев

Сенат төрағасы Мәулен Әшімбаев Украинаның Буча қаласынан Ресей әскері кеткеннен кейінгі жағдай туралы БҰҰ жанынан комиссия құру керегін айтты.

М.Әшімбаев: Ешқашан білдім, толдым деп тоқмейілсуге болмайды

Әшімбаев "ашаршылықты саясиландырудың қажеті жоқ" деп есептейді