Абай. Қақтаған ақ күмістей кең маңдайлы...

Malim Админ

  • 06.01.2021

Қақтаған ақ күмістей кең маңдайлы,

Аласыз қара көзі нұр жайнайды.

Жіңішке қара қасы сызып қойған,

Бір жаңа ұқсатамын туған айды.

Маңдайдан тура түскен қырлы мұрын,

Ақша жүз, алқызыл бет тіл байлайды.

Аузын ашса, көрінер кірсіз тісі,

Сықылды қолмен тізген, іш қайнайды.

Сөйлесе, сөзі әдепті әм мағыналы,

Күлкісі бейне бұлбұл құс сайрайды.

Жұп-жұмыр, ақ торғындай мойыны бар,

Үлбіреген тамағын күн шалмайды.

Тақтайдай жауырыны бар, иығы тік,

Екі алма кеудесінде қисаймайды.

Сорақы ұзын да емес, қысқа да емес,

Нәзік бел тал шыбықтай бұраңдайды.

Етіндей жас баланың білегі бар,

Әжімсіз ақ саусағы іске ыңғайлы.

Қолаң қара шашы бар жібек талды

Торғындай толқын ұрып көз таңдайды.

Байланысты жаналықтар

Абай. Сап, сап, көңілім, сап, көңілім! 

06.01.2021

Абай. Жігіттер, ойын арзан, күлкі қымбат...

08.01.2021

Байбек берген жерден тағы да дау шықты

19.02.2021

Абай. Байлар жүр жиған малын қорғалатып...

06.01.2021

Абай. Бір дәурен кемді күнге – бозбалалық...

08.01.2021

“Мен дым ұқпадым, мына Ақберен не демекші...” деп сұрап алсаңыз...

03.11.2020
MalimBlocks
Абай. Сап, сап, көңілім, сап, көңілім! 

Абай. Жігіттер, ойын арзан, күлкі қымбат...

Байбек берген жерден тағы да дау шықты

Абай. Байлар жүр жиған малын қорғалатып...

Абай. Бір дәурен кемді күнге – бозбалалық...

“Мен дым ұқпадым, мына Ақберен не демекші...” деп сұрап алсаңыз...