Әкім Радченко Заречныйға Абайдың атын бере ме?

Malim Админ

  • 04.02.2020

Қостанай облысына қарасты Заречный ауылдық округінің атын Абай деп өзгерту керек. Бұндай ұсыныс Қостанай ауданы әкімі Виктор РАДЧЕНКОНЫҢ есеп беру жиынында айтылды.

Аудан орталығы Тобыл қаласында өткен жиында әдеттегідей көпшілік тарапынан сұрақтар аз қойылды. Негізі әкімдер есеп бергенде тек «таңдаулы» көрермендердің жиналуы дәстүрге айналған. Ұсыныс пен сұрақтар да онша көп бола қоймайды. Сондай аз ұсыныстың бірі Заречный аулының атын ауыстыру.

«Заречный ауылының атын Абай деп ауыстыру керек. Алға жылжу деген болады ғой. Менің бұл бастамамды халық қолдайды деп ойлаймын», - деді Жақсылық ЖЕҢІСҰЛЫ атты ақсақал.

Әкім Радченко ол үшін бастамашыл топтан ұсыныс түссе әкімдік оны қарауға даяр екенін айтты. Жақсылық Жеңісұлының сөзінің жаны бар. Қостанай облысымен аттас аудан құрамына 16 ауылдық округ, 3 ауыл және бір қала кіреді. Олардың ішінде аудан орталығы Тобылды айтпағанда 19 елдімекеннің үшеуінің ғана атауы қазақша. Ол – Жамбыл,Майкөл және Айсары ауылдық округі.

Қостанай ауданында Мәскеу, Октябрь, Ульянов, Александр, Владимир атаулы ауылдық округтер бар екен.

Заречный ауылдық округіне Рысбай, Абай, Талапкер, Осиновка және Новоселовка сынды елдімекендер кіреді.

Заңғар Алтай

Фото: kstnews.kz

Байланысты жаналықтар

“КЕМШІЛІГІ ӘР ЖЕРДЕН КӨРІНІП ТҰР-АУ…” 1-бөлім

08.02.2020

Сайрагүл халықаралық «батыл әйел» сыйлығымен марапатталды

04.03.2020

Сенім мен махаббаттың құрбаны

11.02.2020

Сотқа сенбейтін Сейсембайды әлеуметтік желі қорғай ма?

21.04.2020

Қырғыз депутаттары екі айлық жалақыларынан бас тартты

16.04.2020

Қазақстандықтар Ресейге кетіп жатыр

12.03.2020
MalimBlocks
“КЕМШІЛІГІ ӘР ЖЕРДЕН КӨРІНІП ТҰР-АУ…” 1-бөлім

Сайрагүл халықаралық «батыл әйел» сыйлығымен марапатталды

Сенім мен махаббаттың құрбаны

Сотқа сенбейтін Сейсембайды әлеуметтік желі қорғай ма?

Қырғыз депутаттары екі айлық жалақыларынан бас тартты

Қазақстандықтар Ресейге кетіп жатыр