Оқу-ағарту министрлігі 1 қыркүйекте ұстаздарға гүл сыйлау дәстүріне қатысты түсініктеме берді, деп хабарлайды Malim.kz.
Министрлік гүл сыйлау ата-аналар мен оқушылардың ерікті таңдауы болуы керектігін атап өтті. Бұл дәстүр міндетке, жарысқа немесе ата-аналарға қосымша шығынға айналмауы тиіс.
Білім беру ұйымдары гүл немесе сыйлық сатып алуға бастамашылық жасамауы, ақша жинауды ұйымдастырмауы және ата-аналарды бұған міндеттемеуі қажет.
Министрлік үшін басты мақсат – оқу жылындағы алғашқы күнді даңғазасыз, жылы әрі тәрбиелік мәнде өткізу. Балаларды ұстазды құрметтеуге, қарапайымдылық пен ізгілікке тәрбиелеу маңызды.
«Ең бастысы – гүлдің көлемі немесе бағасы емес, баланың ұстазына деген құрметі», – деп атап өтті ведомство.