Туризм және спорт министрлігі 2026 жылы Италияда өткен Олимпиада ойындарына қазақстандық мәнерлеп сырғанаушы Михаил Шайдоровты дайындауға жұмсалған қаражат көлемін жариялады, деп хабарлайды Malim.kz.
Министрлік мәліметінше, 2025 жылы спортшының Олимпиадаға дайындығына жалпы 263 394 581 теңге бөлінген.
Қаржы қалай жұмсалды?
- 47 млн теңге – 19 оқу-жаттығу жиынына (оның 8-і Қазақстанда, 11-і шетелде өткен);
- 16 млн теңге – 5 халықаралық жарысқа қатысуға;
- 33 989 000 теңге – спортшының 2025 жылғы жалақысына;
- 26 млн теңгеден астам – жеке бапкері Алексей Урмановтың еңбекақысына;
- 23 млн теңгеге жуық – хореограф И.В. Регинаның жалақысына;
- Қосымша қаражат жарыс бағдарламаларын әзірлеуге, екі костюм тігуге және авторлық құқықтарды сатып алуға бағытталған.
Сонымен қатар, Шайдоров әлем чемпионаттары мен Азия ойындарындағы жоғары нәтижелері үшін 6 694 581 теңге көлемінде бір реттік сыйақы алған. Ал жаттықтырушылар штабына 1 506 040 теңге қосымша төлем жасалған.
Осылайша, мәнерлеп сырғанаудан Қазақстан құрамасының Олимпиадаға дайындық шығындары 2025 жылы шамамен 263,4 млн теңгені құраған.