Қазақстандық әнші Жігер Ауыпбаевтың соңғы фотосессиясы мен сыртқы келбеті әлеуметтік желілерде қызу талқыланып жатыр, деп хабарлайды Malim.kz.
Әншінің шаш үлгісі мен сахналық стиліндегі өзгеріс бірден оқырмандардың назарын аударды. Instagram мен жаңалық парақшаларында жарияланған видеолардың астына мыңдаған пікір жазылып, тыңдармандардың пікірі екіге жарылды. Бірі өнер иесінің батыл экспериментін қолдаса, енді бірі бұрынғы стилін сағынатынын жазған.
Жігердің өзі әзірге сын-пікірлерге айтарлықтай жауап берген жоқ. Дегенмен, әлеуметтік желідегі белсенділігі мен жаңа образын көрсететін жазбаларын жалғастырып келеді. Білетіндер мұндай өзгерістердің көбіне жаңа шығармашылық кезеңнің немесе сахналық жобаның алдында жасалатынын айтып отыр.
Бұл тақырып бірнеше күн бойы Instagram-дағы қазақстандық шоу-бизнес парақшаларында ең көп талқыланған жаңалықтардың біріне айналды.