Желіде көшеде жалғыз жүрген 3-4 жасар баланың табылғаны жайлы ақпарат тарады. Аталған жағдай бойынша Көліктегі полиция департаментінің баспасөз қызметі түсіндірді.
- Астана станциясындағы желілік полиция басқармасы кәмелетке толмаған баланың басын қауіп-қатерге тігу фактісі бойынша сотқа дейінгі тергеп-тексеруді бастады. Қазір табылған бала профилактикалық мақсатта медициналық мекемеге орналастырылды, - делінген хабарламада.
Қазір полиция баланың анасын іздеп жатыр.
Сондай-ақ, Көліктегі полиция департаментінен Қылмыстық-процестік кодекстің 201-бабына сәйкес өзге ақпарат жариялауға жатпайтыны ескертілді.
Фото: әлеуметтік желі