Солтүстік Қазақстан облысының әкімі Құмар АҚСАҚАЛОВ Петропавл қаласының атын ауыстыруға байланысты пікірін білдірді. Бұл туралы malim.kz сайты pkzsk.info-ға сілтеме жасап хабарлайды.
Облыс басшысы «АСТАНА ТВ» арнасына сұхбат берген. Ол жерде облыстағы құрылыс пен инвистиция тақырыбына байланысты сұрақтарға жауап берген. Сондай-ақ, қоғамда жиі талқыланатын қала атын ауыстыру туралы сауалға да өз ойын айтты.
«Бұл сұрақ күн тәртібінде тұрған жоқ. Бірақ талқылап жатқандар бар. Мен халық ұстанған позицияны ұстанамын. Бір адам қала атын ауыстыруды шешпейді. Оны қоғам шешеді», - деді өңір басшысы Құмар Ақсақалов.