Біріккен Ұлттар Ұйымының Бас хатшысы Антониу Гутерриш Таяу Шығыстағы шиеленістің қауіпті деңгейге жеткенін мәлімдеді. Оның айтуынша, аймақтағы қақтығыстың одан әрі ушығуы бүкіл өңірдің ғана емес, әлемдік қауіпсіздіктің де тұрақтылығына қатер төндіруі мүмкін, деп хабарлайды Malim.kz.
АҚШ әскері Ирандағы әскери нысандарға соққыларын жалғастырып жатыр. Бұған жауап ретінде Иран қолдайтын күштердің Қызыл теңіздегі белсенділігі артқан. Соның салдарынан халықаралық теңіз тасымалы қиындап, мұнай бағасы барреліне 100 доллардан асты.
БҰҰ дипломатиялық жолмен келіссөздерді жандандыруға шақырды. Саясаткерлердің пікірінше, қақтығыстың кеңеюі әлемдік экономикаға, энергетика нарығына және халықаралық саудаға елеулі әсер етуі мүмкін.