Қазақстанға екі аптада жарты миллионнан аса турист келгені хабарланды, деп жазды Malim.kz.
Биыл 1-13 қыркүйек аралығында елімізге келген шетелдік туристер саны 597 мыңға жетті.
Ұлттық арнаның хабарлауынша, бұған ықпал еткен негізгі факторлар – елде Дүниежүзілік көшпенділер ойынының өтуі мен танымал әнші Димаш Құдайбергеннің концерті.
Аталмыш шараларға 89 мемлекеттің азаматтары келген. Ең көп турист келген елдер:
• Қытайдан 8 мыңнан астам;
• Үндістаннан 6 мыңнан астам;
• Германиядан 4 мыңнан астам;
EQonaq жүйесі Астанада 12,4 мыңға жуық шетелдік туристі тіркеді. Олардың қонақ үйде тұруға, жолпұл, тамақтану және ойын-сауыққа жұмсаған жалпы шығыны – 15,5 млн АҚШ долларын құрайды.
Дүниежүзілік көшпенділер ойындарына келушілер ел экономикасына қосымша 625 000$ (доллар) қосқан.