Қазақстан қор биржасындағы (KASE) сауда қорытындысы бойынша теңге АҚШ долларына қатысты айтарлықтай өзгеріссіз қалды, деп хабарлайды Malim.kz.
Сауда-саттық нәтижесінде доллардың орташа бағамы 486,25 теңгені құрады.
Ал Ресей рубліне қатысты теңге бағамы нығайып, бір рубльдің құны 6,5 теңгеге дейін төмендеді.
Сарапшылардың айтуынша, валюта нарығындағы тағы бір назар аударарлық жайт – доллар/теңге жұбы бойынша сауда көлемінің қалыпты деңгейге оралуы. Көрсеткіштер өткен жылдың күзінде базалық мөлшерлеме көтерілгенге дейінгі деңгейге жақындаған.
Нарықтағы қазіргі ахуал теңгенің негізгі шетел валюталарына қатысты салыстырмалы түрде тұрақты екенін көрсетеді.
Алдағы күндері валюта бағамдарының динамикасы мұнай бағасы, сыртқы нарықтардағы жағдай және ішкі экономикалық факторларға байланысты қалыптасады.