Қазақстанда өндірістік жарақаттану деңгейінің төмендеуі тіркелді. Бұл туралы ҚР Еңбек және халықты әлеуметтік қорғау министрлігінің Мемлекеттік еңбек инспекциясы комитетінің төрағасы Мейрамбек Ахметов мәлім етті.
Оның айтуынша, кәсіпорындардағы қауіп-қатерлер сақталғанына қарамастан, соңғы бір жылдағы жалпы динамика көрсеткіштердің жақсарғанын көрсетеді.
2024–2025 жылдарға жүргізілген салыстырмалы талдау өндірістегі жазатайым оқиғалар санының азайғанын байқатады.
— Егер 2025 жылды 2024 жылмен салыстыратын болсақ, өндірістік жарақаттану 9%-ға төмендеді. 2024 жылы 1420 жағдай тіркелсе, 2025 жылы бұл көрсеткіш 1380-ге дейін азайды. Алайда оң динамикаға қарамастан, жарақаттану деңгейі әлі де жоғары болып отыр, сондықтан қауіпсіздік шараларын күшейту жұмыстары жалғасып жатыр, — деді ол.