Қазақстандық теннисші Елена Рыбакина мансабында алғаш рет WTA-ның live-рейтингінде бірінші орынға көтерілді, деп хабарлайды Malim.kz.
US Open турнирінің ширек финалында Рыбакина Қытай өкілі Чжэн Циньвэньді 3:6, 6:1, 6:4 есебімен жеңді. Осы нәтижеден кейін қазақстандық теннисші live-рейтингте Беларусь өкілі Арина Соболенконы басып озды.
WTA-ның ресми рейтингі 14 қыркүйекте жаңартылады. Егер көрсеткіш сақталса, Рыбакина жекелей сында әлемдік рейтингті бастаған Қазақстан тарихындағы алғашқы теннисші атанбақ.
US Open жартылай финалында Рыбакина америкалық Кори Гауфф пен ресейлік Мирра Андреева арасындағы матчтың жеңімпазымен кездеседі.
Бұл – Рыбакинаның «Үлкен дулыға» турнирлеріндегі үшінші жартылай финалы. Бұған дейін ол Wimbledon-2022 турнирінде топ жарған, сондай-ақ Australian Open-2026 жарысында жартылай финалға дейін жеткен.
US Open жартылай финалына шыққаны үшін қазақстандық теннисші 1,45 миллион доллар көлеміндегі жүлдеге кепілдік алды. Турнирдің жалпы жүлде қоры 108 миллион долларды құрайды.