Актер әрі әнші Олжас Абай Дариға Бадықовамен қарым-қатынасына қатысты айтылып жүрген әңгімелерге жауап берді. Журналист Аман Тасығанға берген сұхбатында өнер иесі ешкімнің отбасын бұзбағанын айтып, балаларының алдындағы жауапкершілігіне де тоқталды, деп хабарлайды Malim.kz.
Көпшілікке Очоу есімімен танылған актер біреудің әйелін тартып алды деген пікірлермен келіспейтінін жеткізді. Оның айтуынша, Дариғамен арадағы қарым-қатынаста әр қадам өз уақытымен жасалған.
"Ешкімнің әйелін тартып алған жоқпын", – деді Олжас Абай.
Сұхбатта актер қайта отбасын құрғаннан кейінгі өмірі туралы да айтты. Ол екінші некесі бірінші некесінен туған балаларына деген жауапкершілігін өзгертпегенін атап өтті.
Өнер иесінің сөзінше, ол перзенттерінің өміріне араласып, әкелік міндетін атқарып жүр. Жаңа шаңырақ көтерсе де, балаларына қамқор болуды жалғастыратынын жеткізді.
Бұған дейін не жазған едік?
Бұған дейін Олжас Абайдың өзге режиссерлердің фильмдерінде неге сирек көріне бастағаны туралы жазған едік. Аман Тасығанның TALK LIKE подкастында актер негізгі назары Дариғамен бірге түсіретін фильмдерге ауғанын айтқан. Дегенмен сырттан түсетін ұсыныстарды да қарастыруға дайын екенін жеткізген.
Сондай-ақ Дариға Бадықова мен Олжас Абайдың 2026 жылғы 12 қазанда Алматыда үйлену тойын өткізгенін және тойдан кейін Қатарға барғанын хабарладық.
Олжас Абай кім?
Олжас Абай – қазақстандық актер, әнші әрі продюсер. 1991 жылы дүниеге келген. Актерлік білім алып, Оразхан Кенебаевтың сыныбын бітірген.
Көрерменге "Брат или брак", "Сиситай", "Қазақша бизнес" фильмдер топтамасы және "Таптым-ау сені" секілді туындылардағы рөлдері арқылы таныс. Киноға түсумен қатар музыкамен де айналысады.
Тыңдарман оны Ochooou, яғни Очоу сахналық есімімен біледі. Өнер иесінің айтуынша, әкесі кішкентай кезінде оны "Очоубай" деп еркелеткен. Кейін достары да солай атап, бұл атау шығармашылық есіміне айналған.