Франция мен Бельгия құрамалары Германияда өтіп жатқан Еуро-2024 жарысының 1/8 финалында кездесті, деп хабарлайды Malim.kz.
Дюссельдорфтағы кездесудің тағдырын автогол шешіп кетті. Матчтың 85-минутында франциялық Рандал Коло-Уманидің тепкен добы Ян Вертонгеннің аяғына тиіп, қақпаға кіріп кетті.
Минималды жеңістің арқасында франциялық футболшылар турнирдің ширек финалына шықты.
Енді 1/4 финалда Франция Португалия - Словения жұбының жеңімпазымен ойнайды. Бұл матч бүгін қазақстандық уақыт бойынша сағат 00:00-де өтеді.
Фото: euro.com