Газа секторы денсаулық сақтау министрлігінің мәліметінше, 2023 жылдың қазан айынан бері Израиль армиясының шабуылдары салдарынан қаза тапқандар саны 72 562 адамға жетті, деп хабарлайды Malim.kz.
Израиль әскері атысты тоқтату режиміне қарамастан, Газа секторына шабуылдарын жалғастыруда. Соңғы 24 сағат ішінде Газадағы ауруханаларға екі қаза тапқан адамның мәйіті және төрт жараланған адам жеткізілген.
2025 жылдың 10 қазанында күшіне енген атысты тоқтату режимінен бері Израиль шабуылдарының салдарынан 786 адам қаза тауып, 2217 адам жарақат алған. Сонымен қатар, қираған ғимараттардың үйінділері астынан 761 адамның денесі шығарылғаны айтылды.
Жалпы алғанда, 2023 жылдың қазан айынан бері Израиль шабуылдарының салдарынан қаза тапқандар саны 72 562 адамға, ал жараланғандар саны 172 320 адамға жетіп отыр.
Сондай-ақ, Газа секторында әлі де мыңдаған адамның денесі қираған ғимараттардың үйінділері астында жатыр.