Белгілі әнші Жігер Ауыпбаев әлеуметтік желіде өзінен 15 жас кіші сүйіктісімен бірге түскен видеоны жариялап, көптің назарын өзіне аударды, деп хабарлайды Sn.kz.
Жігер Ауыпбаев сүйіктісіне ән арнағанын айтқан. Әнші қысқа ғана жазба қалдырып, «Ән арнаймын деп жылатып алдым…» деп бөлісті.
Желі қолданушылары бұл жағдайға әрқалай қарады: бірі қос жұпқа бақыт тілеп, қолдау білдірсе, енді бірі жас айырмашылығын алға тартып, сынға алды. Пікірлер арасында «Тым жас қыз. Жараспай тұр», «Әкесі мен қызы сияқты көрінеді» деген сөздер жиі ұшырасады. Тіпті кей оқырман «Сонша жыл жүріп пұшық қыз алмақшысың ба, Жігер-ау» деп шорт кесіп, өнер иесіне ауыр сөз айтқан.