Көкшетауда газ баллондары жарылған өрт болды, деп хабарлайды Malim.kz Төтенше жағдайлар министрлігінің баспасөз қызметіне сілтеме жасап.
«Өрттің аумағы 120 шаршы метрді құрады. Өрт сөндіру жұмыстары екі газ баллонының жарылуына байланысты күрделене түсті, бұл оқиға өрт сөндіруші бөлімшелер келгенге дейін болған және оттың қарқынды таралуына себеп болды», – делінген сенбі күнгі хабарламада.
Ведомствоның нақтылауынша, өрт екі пәтерлі жеке тұрғын үйде болған және шақырту түскен сәттен бастап 40 минут ішінде сөндірілген.
Сондай-ақ өртті сөндіру барысында тағы екі газ баллоны сыртқа шығарылғаны, зардап шеккендер жоқ екені және алдын ала болжам бойынша өрттің шығу себебі қасақана өртеу екені хабарланды.