Үкіметтің селекторлық отырысында Денсаулық сақтау вице-министрі Марат Шоранов елдегі эпидахуалдың жақсарып келе жатқанын мәлімдеді. Сондай-ақ вице-министр мектеп оқушылары арасында коронавирус тарау қарқыны бәсеңдегенін айтады.
Шорановтың сөзінше, соңғы екі аптада мектеп оқушыларының коронавирус жұқтыру жағдайлары азайған.
“Дәстүрлі форматта оқып жатқан мектеп оқушылары арасында 15028 жағдай тіркелген”, - деді ол.
Соңғы екі апта ішінде мектеп оқушылары коронавирус жұқтыру деңгейі 1,3 есеге төмендеген.
Вице-министр сонымен қатар Павлодар, Маңғыстау, Ақмола, Түркістан облыстарында жағдай керісінше екенін, тіркелген жағдайлар 1,4 есеге артқанын атап өтті.