Португалиялық шабуылшы Криштиану Роналду өнер көрсететін «Әл-Наср» клубы Сауд Арабиясы Про-Лигасының 34-турында «Дамак» командасын 4:1 есебімен жеңіп, маусым чемпионы атанды, деп хабарлайды Malim.kz.
Шешуші кездесу Эр-Рияд қаласында өтті. Матч барысында Роналду 62 және 80-минуттарда екі гол соғып, дубль авторы атанды. Сондай-ақ «Әл-Наср» сапынан Садио Мане мен Кингсли Коман да мергендік танытты. Қарсылас командадан Морлай Силла пенальтиден бір гол соқты.
Маусым қорытындысы бойынша «Әл-Наср» 86 ұпай жинап, турнир кестесінде бірінші орынға тұрақтады. Екінші орынды 84 ұпаймен «Әл-Хилал» иеленсе, «Дамак» маусымды 16-орынмен аяқтады.
Бұл чемпиондық Криштиану Роналду үшін Сауд Арабиясындағы алғашқы титул болды. Бұған дейін ол Англия Премьер-лигасында «Манчестер Юнайтедпен», Испанияда «Реал Мадридпен» және Италияда «Ювентуспен» чемпион атанған.
41 жастағы шабуылшы осы маусымда 28 гол соғып, клубтың үздік сұрмергені атанды және лиганың бомбардирлер тізімінде екінші орынға жайғасты.