Ұлттық экономика министрі Әсет Ырғалиев азық-түлікке айына 50-60 мың теңге шамасында қаражат жұмсайтынын айтты.
«Бәрі сатып алатын нан, сүт, қант аламыз. Басқа не айтуым керек екен? Біздің де отбасымыз дәл сіздердікіндей-ақ», – дейді айлық табысы 900-950 мың теңгені құрайтын министр.
Айта кетейік, 2021 жылдың бірінші жартыжылдығына жасалған бағалау бойынша, қазақстандықтар азық-түлікке айына 96,7 мың теңге жұмсайтын болып шықты. Сондай-ақ finprom.kz 2021 жылы қазақстандықтардың шығыны 19 %-ға өскенін хабарлады. Алайда ресми дерекке сәйкес, инфляция деңгейі 9 %-дан төмен.