Наурызнама күнтізбесі бойынша 22 наурыз – жыл басы. Бұл күні еліміздің барлық өңірінде жалпыхалықтық мәдени-спорттық іс-шара өтеді, стильді этноауыл мен түрлі жәрмеңке ұйымдастырылады.
Атап айтсақ, Астанада «Наурыз – береке бастауы» іс-шаралары, халықаралық көрме орталығындағы көшпелі өркениеттер фестивалі өтеді.
Сонымен қатар, Жазушылар аллеясы, Есіл өзенінің бойындағы саябақ, «Көктал» саябағы, «Қорғалжын» саябағы секілді өзге де орындарда Наурыз мерекесіне арналған түрлі іс-шаралар өтеді.
Ал Алматыда Астана алаңында сағат 19:00-ден 22:00-ге дейін танымал әртістердің қатысуымен концерттер өтеді. Сонымен қатар, Арбатта Наурыз мейрамына арналған ойын-сауық-танымдық бағдарламалар ұйымдастырылады.
ФОТО: Астана әкімдігі