Петропавл қаласындағы тергеу изоляторында төтенше жағдай болды, деп хабарлайды Malim.kz Qazaqstan Media-ға сілтеме жасап.
Оқиға 11 маусым күні кешке Заречное кентінде орналасқан №66 мекемеде болған. Тергеу астындағы 37 жастағы ер адам өзін-өзі өртемек болған. Ол аяғын дәретхана қағазымен орап, өртеп жіберген.
Зардап шеккен азамат көпбейінді қалалық ауруханаға жеткізілді. Алғашқы диагноз — екі аяқтың екінші дәрежелі термиялық күйігі.
Дәрігерлер оның жағдайын орташа ауыр деп бағалады.
Қазіргі таңда күдікті Қылмыстық кодекстің 99-бабы 2-бөлігі — “екі немесе одан да көп адам бірігіп жасаған адам өлтіру” бойынша тергеліп жатыр.
Фото: pixabay