Алматы, Шымкент қалаларында және Түркістан облысында ауыр қылмыстар жасаған, соның ішінде кәсіпкерлерді бопсалады деп күдікке ілінген қылмыстық топтың мүшелері ұсталды, - деп хабарлайды Malim.kz порталы Polisia.kz сайтына сілтеме жасап.
Ведомство мәліметінше, топ мүшелерінің “қаңтар оқиғасына" байланысы бар екендігі анықталған.
"Полицияға 20 күдікті жеткізілді. 40-тан астам іздестіру шаралары өткізілді. Атыс және травматикалық қару, есірткі мен оқ-дәрі тәркіленді. Тергеу Қылмыстық кодекстің бірнеше бабы бойынша жүргізілуде",- делінген хабарламада.
Тергеу мүддесіне сай өзге ақпараттар жарияланбады.
Фото: freepik.com