Қарағандының орталық саябағында «Тікұшақ» аттракционында кабина құлады. Ішінде отырған екі адам жарақат алды.
Бұл туралы Телеграмдағы «Патриот» арнасы хабарлады.
Жедел жәрдем дәрігерлері 25 жастағы әйел мен 2 жасар қыз баланың миы шайқалып, жарақаттанғанын айтты. Екеуі ауруханаға жеткізілді.
Иесінің айтуынша, маусым басталмас бұрын, яғни мамыр айында аттракцион техникалық сараптамадан өткен.
- Бізге рұқсат берілді, аттракцион қауіпсіздік талаптарына толықтай сәйкес болатын. Рұқсатты лицензиясы бар компания берді. Барлық құжаттарымыз дұрыс, - деді ол.
Облыстық полиция департаменті бұл оқиға бойынша қылмыстық іс қозғалып, мән-жайы анықталып жатқанын хабарлады.
Фото: patriotkaragandy (видеодан скрин)