2024 жылғы 10-24 мамыр аралығында Шри-Ланка астанасы Коломбода өткен U22 Азия чемпионатында Қазақстан құрамасы тарихи жетістікке қол жеткізді. Барлық салмақ бойынша бақ сынаған 50 спортшының 48-і жүлдемен оралды, деп хабарлайды Malim.kz.
Қорытынды бойынша Қазақстан құрамасы 41 алтын, 6 күміс және 1 қола медаль еншілеп, жарыстың абсолютті көшбасшысы атанды. Бұл – ел тарихындағы ең сәтті көрсеткіштердің бірі.
ТОП-3 мемлекет:
Қазақстан – 41 алтын, 6 күміс, 1 қола
Тәжікстан – 3 алтын, 4 күміс, 6 қола
Қырғызстан – 3 алтын, 10 күміс, 10 қола
23 елдің спортшылары қатысқан додада Қазақстан құрамасының басымдығы айқын көрінді. Бұл нәтиже – еліміздегі спортшыларды дайындау жүйесінің даму деңгейін және бапкерлер құрамының кәсіби еңбегін дәлелдейді.
Фото: Спорт комитеті