Қазақстан Ресейден жеткізілетін шикі мұнайды өз мұнай өңдеу зауыттарында өңдеу мүмкіндігін қарастырып жатыр, деп хабарлайды Malim.kz.
Қазақстанның Энергетика министрлігінің мәліметінше, бұл мәселе Ресейдегі жанармай тапшылығына байланысты көтерілген. Жоспарға сәйкес, Қазақстан аумағында өңделген мұнай өнімдерінің бір бөлігі ішкі нарықтың қажеттілігіне жұмсалса, қалғаны Ресейге қайта экспортталуы мүмкін.
Әзірге өңделетін мұнай көлемі, қандай зауыттардың қатысатыны және жеткізу шарттары жарияланған жоқ. Ведомство бұл мәселелерді нарық қатысушылары өзара келісім арқылы анықтайтынын мәлімдеді.
Мұндай қадам Қазақстан мұнай өңдеу зауыттарының өндірістік жүктемесін тұрақты ұстап тұруға мүмкіндік береді. Сонымен қатар Ресейдегі жанармай тапшылығы соңғы айларда мұнай инфрақұрылымына жасалған дрон шабуылдарынан кейін күшейгені айтылып отыр.