Премьер-министр Олжас Бектенов ақпараттық кеңістіктің қауіпсіздігін күшейту жөніндегі ұсыныстар мен ұсынымдарды әзірлеу үшін ведомствоаралық жұмыс тобын құруды тапсырды, - деп хабарлайды Malim.kz тілшісі.
Бұл туралы тиісті құжатта жазылған. Онда келесі тармақтар көрсетілген:
- Ақпараттық кеңістіктің қауіпсіздігін күшейту бойынша ұсыныстар мен ұсынымдар әзірлейтін ведомствоаралық жұмыс тобын құру.
- Жұмыс тобы 2025 жылғы 31 қазанға дейін Үкімет Аппаратына тиісті ұсыныстарды енгізуге тиіс.
Құжаттың орындалуын Премьер-министрдің орынбасары Ержан Көшербаев бақылайды.
Жұмыс тобының құрамы:
- Премьер-министрдің орынбасары – топ жетекшісі;
- Мәдениет және ақпарат министрі – жетекшінің орынбасары;
- Вице-министр – топ хатшысы;
- ҰҚК төрағасының орынбасары (келісім бойынша);
- Қаржы мониторингі агенттігі төрағасының орынбасары (келісім бойынша);
- Сыртқы істер министрінің орынбасары;
- Ішкі істер министрінің орынбасары;
- Цифрлық даму, инновациялар және аэроғарыш өнеркәсібі вице-министрі;
- Қауіпсіздік кеңесінің өзекті мәселелер бөлімі сектор меңгерушісі (келісім бойынша);
- Президент Әкімшілігінің коммуникациялар бөлімі сектор меңгерушісі (келісім бойынша);
- Президент Әкімшілігінің цифрландыруды дамыту бөлімі сектор меңгерушісі (келісім бойынша);
- Үкімет Аппаратының әлеуметтік даму бөлімі меңгерушісі.
Жұмыс тобы ұлттық ақпараттық қауіпсіздікті нығайтуға бағытталған нақты ұсыныстар әзірлеп, оларды Үкіметке ұсынуға тиіс.
Фото: рrimeminister.kz