Алматы облысындағы Қарасай ауданында мешіт өртенді, деп хабарлайды Malim.kz.
Оқиға 9 ақпанда таңертең Алматы облысындағы Қарасай ауданы Еңбекші ауылында болған. 50 шаршы метр алаңдағы мешітте жиһаз және шаруашылық заттар өртенген.
ТЖМ қызметкерлері өртті сөндірді. Оқиғаның мән-жайы тексерілуде.
Қабылданған жедел шаралармен өрт 50 шаршы метр алаңда оқшауланып, жойылды. Қайтыс болғандар мен зардап шеккендер жоқ.
Айта кетейік, бұған дейін қаңтар айында Қарағанды облысының Қарқаралы ауданына қарасты Томар ауылдағы мешіт өртеніп кеткен еді.
Фото: видеодан скрин