Алматы тұрғыны сәбиін туа сала үйдің кіреберісіне тастап кеткен. Жедел-іздестіру шараларының нәтижесінде қыз баланың анасы ұсталып, кім екені анықталды, - деп хабарлайды Malim.kz.
Ол медициналық көмек алу үшін қалалық ауруханалардың біріне жатқызылды. Қауіпті жағдайда баланы тастап кету дерегі бойынша қылмыстық іс қозғалды. Оқиғаның мән-жайы анықталып жатыр, – деді Түрксіб аудандық полиция басқармасының бастығы Думан Аухадиев.
Еске салайық, жергілікті тұрғындар Чернышевский көшесіндегі үйлердің бірінің кіреберісінен нәрестені тауып алған болатын.
«Жедел жәрдем» қызметкерлерінің айтуынша, сәбидің дүниеге келгеніне 1-2 сағат қана болған.
Фото: pixabay.com