Шымкент зообағында түйеқұсты тепкен адамның кім екені анықталды, - деп хабарлайды Malim.kz тілшісі "Отырар" басылымына сілтеме жасап.
Тәртіп бұзған адам жасөспірім екені айтылды. Ол зоопарк ережесін бұзғаны үшін жауапкершілікке тартылды.
"Құқықбұзушы – кәмелетке толмаған жасөспірім екені анықталды. Ол ата-анасының қатысуымен түсініктеме жазды және Қазақстан Республикасының заңнамасына сәйкес әкімшілік жауапкершілікке тартылды", – деп хабарлады полиция өкілдері.
Еске салайық, 25 мамырда Шымкент зоопаркінде жануарларға қатыгездік көрсету дерегі тіркелген болатын.
Зоопарк әкімшілігінің мәліметінше, шамамен сағат 18:00-де келушілердің бірі қоршаудан асып өтіп, түйеқұсты теуіп, басқа жануарларды әдейі үркіткен. Оқиғаны басқа келушілердің бірі видеоға түсіріп алған. Бұл кадрлар әлеуметтік желіде кең талқыланды.
Фото: видео кадры