Шымкент қаласы Қаратау ауданы Жібек жолы көшесінің бойында жүк көлігі және жүк көлікке тиелген сіріңке жанып кетті, деп деп хабарлайды Malim.kz.
Өрт 6 мамыр күні Жібек жолы көшесінде болды. Төтенше жағдайлар қызметі өртті 17:39-да толық сөндірді. Зардап шеккендер жоқ.
Алдын ала мәлімет бойынша, көліктің жүк бөлімінде шамамен 15 тонна сіріңке болған. Жүктің үштен бірі — шамамен 5 тоннасы жанып кеткен. Өрттің шығу себебі анықталып жатыр.
Өртті сөндіруге Шымкент қалалық төтенше жағдайлар департаментінің 25 қызметкері мен 5 техникасы жұмылдырылды.
Фото: Видеодан алынған скриншот