Шымкентте Үндістаннан келген студент өлі табылды, - деп хабарлайды Malim.kz тілшісі.
Ол медициналық академияда оқыған.
«Ер адамның өлімі бойынша полиция қылмыстық іс қозғады. Зорлық-зомбылық белгілері жоқ. Алғашқы болжам бойынша өлімнің себебі — жүректің кенет тоқтап қалуы», — деп хабарлады Шымкент қалалық полиция департаменті өкілдері.
Жігіттің денесі ол тұрған пәтерден табылды. Полиция департаментінің ақпараты бойынша, өлімнің себебін анықтау үшін сот-медициналық сараптама тағайындалды.
«Оқиғаның мән-жайларын анықтау мақсатында кешенді тергеу әрекеттері жүргізіліп жатыр», — деп хабарлады полиция департаменті өкілдері.
Фото: pixabay.com