Продюсер Баян Алагөзова қазіргі жастардың жар таңдауда бұрынғыдан әлдеқайда талапшыл екенін айтты, деп Malim.kz тілшісі хабарлайды.
Сұхбат барысында ол бүгінгі қыздардың білімге, өзін дамытуға көбірек мән беретінін, сондай-ақ қарым-қатынастағы абьюз бен токсикалық мінез-құлықты жақсы ажырата бастағанын атап өтті.
"Такие балбессы никому не нужны. А балбесов-то много", – деді Баян Алагөзова әзіл аралас.
Продюсердің сөзінше, қазіргі қыздардың талабы жоғарылаған. Олар болашақ серігін таңдағанда тек сезімге ғана емес, адамның ой-өрісіне, мінезіне және қарым-қатынастағы әрекетіне де назар аударады.
Баян Алагөзова бұл өзгерісті жастардың білімге ұмтылуы және жеке шекараға деген көзқарасының қалыптасуымен байланыстырады.