Тоқаев партия төрағалығынан бос кетпей, ADAL партиясы мен AMANAT-ты біріктіріп кетті.
«Жаңа Қазақстанды құрамыз десек – елге жанашыр, қоғамдық саяси күштердің бәрі жұмылуы керек. Бұл ретте партиялардың өзара тіл табысып, саяси жүйені дамытуы аса маңызды. Сондықтан ADAL партиясының бастамасын қолдап, онымен біріккен жөн деп санаймын. ADAL - өз жақтастары бар, қалыптасқан партия. Осы маңызды қадам AMANAT партиясын жаңғыртып, күшейте түсуге септігін тигізеді деп ойлаймын», - деді Тоқаев.
Съезд барысында делегаттар «ADAL» партиясының AMANAT-қа қосылуын дауысқа салып, қолдады. Бұдан бұрын хабарланғандай, бүгіннен бастап AMANAT партиясының төрағасы ретінде Президенттің өкілеттігі тоқтады. Тоқаев AMANAT партиясының төрағалығына Ерлан Қошановты тағайындады.