Қазақстандық әнші Ақерке Амалият Беларусьтің Витебск қаласында өткен халықаралық «Славян базары» өнер фестивалінде бірінші орынды жеңіп алды, деп хабарлайды Malim.kz.. Байқауда әлемнің бірнеше елінен келген жас орындаушылар бақ сынап, қазақстандық әнші кәсіби қазылар алқасының жоғары бағасына ие болды. Осынау жеңісі үшін әншіге 15 мың доллар жүлде табыс етілді.
Өнерпаздың жеңісі қазақстандық мәдениет үшін маңызды жетістік ретінде бағалануда. Фестиваль ұйымдастырушылары Ақеркенің вокалдық мүмкіндігі мен сахнадағы шеберлігін ерекше атап өтті. Бұл жеңіс оның халықаралық деңгейдегі шығармашылық жолына жаңа серпін береді деген пікір айтылуда. Соңғы жылдары қазақстандық орындаушылар халықаралық музыкалық байқауларда жиі көзге түсіп келеді.
Мамандар мұны еліміздің эстрадалық мектебінің дамуы мен жас таланттарға көрсетіліп жатқан қолдаудың нәтижесі деп бағалайды.