Қазақстанда балабақша саласында шамамен 13 мың маман жетіспейді. Бұл олқылықты жою бағытында тиісті шаралар қарастырылып жатыр, деп хабарлайды Malim.kz.
Оқу-ағарту министрі Жұлдыз Сүлейменованың айтуынша, балабақша мамандарының жалақысына 2023 жылға дейін 100 пайыздық үстемеақы берілген, сондықтан олардың айлығы елдегі орташа еңбекақы деңгейіне сәйкес келеді.
"Бұл – нарықтағы орташа айлықтардың бірі. Жалақыны көтеру мәселесі бюджетке байланысты. Әдетте, жекеменшік балабақшалардағы жағдай жиі айтылады. Бірақ ол сұрақ құрылтайшылардың құзырында", – деп жауап берді министр журналистер сауалына.