Жамбыл облысында жергілікті табиғи төтенше жағдай жарияланды. Жергілікті тұрғындар күшейген қарлы боранның видеосын әлеуметтік желіде бөлісіп жатыр.
Аймақта арнайы техникалар жолдарды тазартып жатыр. "Қазақстан темір жолы" ұлттық компаниясының баспасөз қызметі мәліметінше, қазір учаске бойымен жолаушылар пойыздарының қозғалысы қалпына келтірілді, алайда қауіпсіздікті қамтамасыз ету мақсатында пойыздарға жылдамдықты шектеу қойылды. Өңірде жолдардағы жағдайы да бұдан жақсы емес. Жолдарда қар құрсауында қалып қойған көліктер әлі де көп.