Төтенше жағдайлар министрлігі тұрғындарға жер сілкінісі кезіндені әрекеттерді еске салды.
Жер сілкінісі кезінде:
- егер сіз бірінші қабатта болсаңыз – сыртқа шығыңыз.
- Егер жоғарғы қабаттарда болсаңыз, жиһаздан, терезелерден, люстралардан алыстап, күрделі, жүк көтергіш қабырғалардың бұрышында немесе есік жақтауында тұрыңыз.
- Балалар мен қарттардың қауіпсіздігін қамтамасыз етіңіз.
- Дүмпу тоқтағаннан кейін суды, газды, электр қуатын өшіріп, «дабыл чемоданын» алып, ғимараттан шығыңыз.
- Дүмпу кезінде лифт пен баспалдақты пайдаланбаңыз. Сыртта электр желілерінен, ғимараттардан, ағаштардан, билбордтардан, қоршаулардан аулақ болыңыз. Қайта дүмпуге дайын болыңыз.
- Қарттар мен мүмкіндіктері шектеулі адамдарға көмек көрсетіңіз.
- Жақын маңдағы халықты қабылдау пунктіне барып, одан әрі нұсқаулар күтіңіз.
- Сабыр сақтап, тек ресми ақпарат көздеріне сеніңіз.
«Қазақстан аумағында Алматы қаласы, Алматы және Жетісу облыстарында жер сілкінісі болды. Дүрбелеңге түспеуіңізді және алгоритм бойынша әрекет етуіңізді сұраймыз», - деп хабарлады Төтенше жағдайлар министрлігінің баспасөз қызметі.
Фото: Ашықдерекөзден