Мәскеудегі теракт салдарынан 140 адам қайтыс болды

ТАСС агенттігі 27 наурыздағы жағдай бойынша теракт салдарынан 360 адам зардап шеккенін, оның ішінде 11 бала бар екенін жазған болатын.

Барлық зардап шеккен 92 адам ауруханаға жатқызылды, қазір 63 адам шығарылды, 205 зардап шегушіге амбулаторлық көмек көрсетілген.

Мәскеудегі теракт салдарынан зардап шеккен бір науқас қайтыс болғаны да белгілі болды. Бұл туралы Ресей Денсаулық сақтау министрі Михаил Мурашко айтты.

Өкінішке қарай, бұрын өте ауыр жағдайда болған зардап шеккендердің бірі қайтыс болды. Дәрігерлер қолдан келгеннің бәрін жасады, - деді министр журналистерге.

Бұған дейін билік 139 адам қайтыс болғанын хабарлады. Осылайша, құрбандардың ресми саны 140-қа жетті.

Төрт науқастың жағдайы өте ауыр, 19 науқастың жағдайы ауыр, оның ішінде үш бала бар. Тағы 34 зардап шегушінің жағдайы орташа ауыр, 23 зардап шегуші ауруханада емделуде және шығаруға дайындалып жатыр, - деді министр.

Еске салсақ, 22 наурыз күні кешке Мәскеудегі «Крокус-Ситиде Холлда» теракт болды. Белгісіз біреулер концерт залына кіре берістегі күзетшілерге оқ жаудырған. Содан кейін олар фойедегі көрермендерді атты. Қаза тапқандар саны жүзден асып кетті. Бұл лаңкестік оқиға ТМД елдеріндегі соңғы жылдардағы ең ірі терактілердің бірі болды.

Қасым-Жомарт Тоқаев Қазақстанның құқық қорғау органдары қажет болған жағдайда Ресейдің құқық қорғау органдарына көмек көрсететінін айтты.

24 наурызда Мәскеудің Басманский аудандық соты «Крокус Сити Холлда» адамдарға шабуыл жасады деп айыпталғандарды қамауға алды.

22 наурыздағы шабуыл үшін жауапкершілікті «Ислам мемлекеті» (ИМ) тобы өз мойнына алған. АҚШ шенеуніктері бұл оқиғаның артында «Уәлаят Хорасан» (УХ) аймақтық ИМ ұяшығы тұрғанын айтқан.

Фото: РИА Новости