Бір жылда  баспана бағасы қалай құбылды? 

Бір жыл ішінде жаңа баспананың құны 19,6  қайталама нарықтағы тұрғын үйдің бағасы 26,4 пайызға қымбаттаған. Ал жалдамалы пәтер құны ай сайын 0,4 пайызға шарықтап отыр.

Сарапшылар мәліметінше, шілде айынының өзінде жаңа пәтер - 0,5, ал бір жылда - 19,6 пайызға қымбаттаған. Екінші нарықтағы баспана бағасы бір айда - 0,8, бір жыл ішінде - 26,4 пайызға өскен.Жалдамалы пәтер бағасының өсімі айына - 0,4 пайыз шамасында. Ал былтырдан бері бұл баға - 20,8 процентке көтеріліпті.

Баспана құнының қымбаттауына жанама факторлар әсер етіп отыр. Мәселен, тұрғын үйге қызмет көрсету және жөндеу секторындағы қызметтер бір жылда - 15,3, құрылыс материалдары - 20,5 пайызға өскен. Бұл орайда импортқа тәуелділік жағдайды қиындатқан. Пәтер жалдауға деген сұраныс өткен жылмен салыстырғанда биыл үш есе артқан. Бұл - Ресей мен Украинадан көп келіп жатқан адамдар санына байланысты. Олардың басым бөлігі Алматыда қалса, кейбірі Ресейге жақын орналасқан қалаларға қоныстануда.

Аталған жайт тұрғын үй нарығындағы бағаның өсуіне ықпал етіп отыр.Сонымен қатар маусым-шілде аралығында доллар бағамы көтеріліп, бір жылда теңге 11,6 пайызға арзандады. Доллардың орташа айлық өсімі - 7,6 пайыз. Сондықтан ұлттық валютаның құнсыздануы – баспана нарығындағы бағаға жанама әсер етуі мүмкін.

Фото: kazgazeta.kz