Қуандық Бишімбаев кінәсін мойындамады
Істің алқабилер мен БАҚ өкілдерінің қатысуымен қаралғанын қалайтынын айтты.
Бүгін Астанада жұбайы Салтанат Нүкенованы аса қатыгездікпен өлтірді деп айыпталған экс-министр Қуандық Бишімбаевтың ісі бойынша алдын ала сот отырысы өтті. Прокурордың айыптау мәлімдемесінен кейін Қуандық Бишімбаев өз кінәсін мойындамайтынын, істің алқабилер мен БАҚ өкілдерінің қатысуымен қаралғанын қалайтынын айтты.
Сондай-ақ, оның қорғаушысы істі қосымша тергеуге қайта жіберуді сұрады. Адвокат Назкен Құсайынованың айтуынша, тергеу дұрыс жүргізілмеген. Атап айтқанда, айыпталушының адвокаттарына айыптау қорытындысының көшірмесі ұсынылмаған. Экс-министрдің адвокаттары Бас прокуратураға шағым жолдаған, бірақ кейін ол қалалық прокуратураға жіберілген.
Сонымен қатар, Бишімбаев адвокаты «аса қатыгездікпен өлтіру» бабымен келіспейтінін мәлімдеді.
Байланысты жаналықтар
MalimBlocks
