Елорданың орталық саябағында Өзбекстан, Әзербайжан, Тәжікстан және Қырғызстан елдерінің аспаздары бір тоннадан астам палау әзірледі, деп хабарлайды Астана әкімдігінің ресми сайты. Наурыз мейрамы орталық саябақта алғаш рет тойланып жатыр.
Іс-шараға көрші елдердің аспаздарымен қатар Тәжікстан мен Иран елшіліктері де қатысты. Олар киіз үйлерін тігіп, онда өз мәдениеттерінде Наурыз мерекесінің тойлануының айырмашылықтары туралы әңгімелеп, дәстүрлі тағамдармен дәм таттырды.
Ал EXPO халықаралық көрме орталығында "Наурыз базары" шығыс жәрмеңкесі ашылды. Іс-шараға алғашқы жұмыс күнінде рекордтық 30 мың адам қатысты.
Жәрмеңкеге Түркия, Иран, Әзербайжан, Өзбекстан, Тәжікстан, Түрікменстан, Қырғызстан, Татарстан және Башқұртстан сияқты елдерден 50-ден астам қолөнершілер қатысты.
Ел өңірлерінен келген фермерлер азық-түлік жәрмеңкесіне 200 тоннадан астам өнім, оның ішінде ет және сүт өнімдері, көкөністер мен жемістер, бал және т. б. әкелді. Жәрмеңке 22 және 23 наурыз күндері 09:00-ден 18:00-ге дейін жалғасады.
Сондай-ақ, оқыңыз: Наурызнама: 22 наурыз – жыл басы
ФОТО: Астана әкімдігі
Байланысты жаналықтар
MalimBlocks
