Қызылорда облыстық ауыл шаруашылығы басқармасының бөлім басшысы орындалмаған жұмысқа құжат жасап, субисдия алмақ болған.
Қаржылық мониторинг агенттігінің мәліметтерінше, мемлекеттік қызметшілер бірнеше шаруа қожалықтарында ешқандай жұмыс істемей, жабдықтар қойылмай, жұмыстың толық орындалғаны туралы жалған құжат әзірлеген. Ал ақпаратты «Qoldau.kz» жүйесіне енгізіп, субсидия беру туралы өтінімге электронды түрде қол қойған.
Агентіктің Қызылорда облысы бойынша департаменті ірі мөлшерде инвестициялық субсидия қаражатын талан-таражға салып, әрі қарай жымқыру дерегі бойынша тексеру жүргізіп, облыстық ауыл шаруашылығы басқармасының лауазымды тұлғаларына қатысты қылмыстық іс бойынша сот үкімін шығарды.
Кәсіпкерлер келісім-шарт сомасының 10% көлемінде сыйақы үшін жалған құжат әзірлеп, 25 млн теңге қаржы жымқырған. Сот шешімімен Облыстық ауылшаруашылық басқармасының бөлім басшысы мен бас маманы кінәлі деп танылып, мемлекеттік ұйымдарда материалдық немесе қаржы аударымына негіз болатын құжаттарға қол қою құқығы жүктелетін лауазымдарды атқару құқығынан 3 жылға айырылды. Сондай-ақ, 2 жылға шартты түрде бас бостандығын шектеу жазасын алды.
MalimBlocks
