Қазақ жерінде қазақтың демалуға ақшасы жете ме?
Energyprom.kz сайты елдегі ең танымал туристік бағыттарды атап және олардың бағасына сараптама жасады.
Биыл отандық шипажайлардағы демалыс қазірдің өзінде қол жетпейтін бағаға шарықтап тұр.
2023 жылдың бірінші тоқсанындағы деректерге сәйкес демалыс орындарда баспана жалдау ақысы 30 пайызға жуық өскен. «Мысалы бесжұлдызды қонақүйлердің бағасы бір жылдың ішінде 40 пайыздан аса қымбаттап отыр. Бір адам бір тәулік үшін орта есеппен 55,8 мың теңге төлейді. Елдегі үздік қонақүйлерде бір апта тұру құны маусым айына дейін 390,8 мың теңге болған. Маусым айында ең қымбат бағалар Щучинск-Бурабай және Қапшағай су қоймасының жағасындағы демалыс аймағында тіркелген. Қапшағай су қоймасының жағалауында стандартты қонақүйдің бір бөлмесін жалдау үшін 20 мың теңге мен 50 мың теңге аралығында төлеу керек. Ал люкс-номердің бағасы тәулігіне 119 мың теңгеге дейін барады. Бурабайда бұл ақшаның ішіне сауықтыру шаралары кірмейді, тек тұру ақысы ғана осындай. Қымбат қонақүйлерге Каспий жағалауындағы нысандар да кіреді. Шетелдік инвестор Ақтау қаласында бесжұлдызды қонақүй салғаннан бері Маңғыстау облысына шетелден ұшып келетін чартерлік рейстер саны артқан. Мысалы, былтыр Башқұртстан астанасы Уфа қаласынан, биыл Тегеран, Мәскеу, Қазан, Екатеринбург қаласынан чартерлік рейспен келушілер көбейген. Мұндағы ең төменгі баға тәулігіне 32-36 мың теңге, ең жоғары баға тәулігіне 42-48 мың теңге болған. Бірақ бұл бағаның соңғы шегі емес», - деп жазады Energyprom.kz.
Ал Алакөлде екі адамдық стандартты номер бағасы тәулігіне 15-42 мың теңге арасында, жартылай люкс номер бағасы 17-64 мың теңге арасында, люкс номерлер - 82 мың теңгеге дейін. Бұл баға маусымдағы көрсеткіш, алдағы демалыс айы болып саналатын шілде-тамыз айларында баға тағы да өсуі мүмкін....
