19 шілдеде Қазақстанның басым бөлігінде ауа райы құбылмалы болады, деп хабарлайды Malim.kz.
“Қазгидромет” мәліметінше, көптеген өңірде жаңбыр жауып, найзағай ойнайды, кей жерлерде нөсер, бұршақ және екпінді жел күтіледі.
Синоптиктердің болжамынша:
Солтүстік, солтүстік-батыс және батыс өңірлерде қатты жаңбыр, бұршақ және дауылды жел болады.
Елдің оңтүстігі мен оңтүстік-шығысында жауын-шашынсыз ауа райы сақталады.
Республика бойынша жел күшейеді, ал оңтүстікте шаңды дауыл соғуы мүмкін.
Солтүстік және солтүстік-батыс аймақтарда түнгі және таңғы уақытта тұман түседі.
Сонымен қатар, күндіз Қазақстанның 12 өңірінде аптап ыстық сақталады, кей жерлерде ауа температурасы +48°C-қа дейін көтеріледі. Синоптиктер тұрғындарға күннің ең ыстық уақытында сыртта ұзақ жүрмеуге және қауіпсіздік шараларын сақтауға кеңес береді.