Қазақстанда алдағы жұма, 2025 жылғы 29 тамызда ауа райы жауын-шашынды әрі ыстық болады. Бұл жөнінде "Қазгидромет" РМК-ның болжамында айтылды, деп хабарлайды Malim.kz.
Болжамға сәйкес, күндіз қатты ыстық күтіледі:
- Ұлытау облысында – +35°С-қа дейін,
- Жетісу мен Алматы облыстарында – +35…+37°С,
- Маңғыстау облысында – +38°С-қа дейін.
Батыс антициклонының ықпалымен Қазақстанның батысы, оңтүстігі және оңтүстік-шығысында жауын-шашынсыз ауа райы сақталады. Елдің басқа өңірлерінде атмосфералық фронттардың өтуіне байланысты найзағаймен жауын жауады, бұршақ пен қатты жел соғуы мүмкін. Республиканың көптеген аймақтарында жел күшейеді: оңтүстік-батыста және оңтүстікте – шаңды дауыл, ал солтүстікте түнгі және таңғы уақыттарда – тұман күтіледі", - делінген "Қазгидромет" хабарламасында.
Фото: unsplash