Алматы әуежайында жүк бөлімінде істейтін авиакомпания қызметкері бірнеше ай бойы смартфондарды ұрлап келген, деп хабарлайды Malim.kz.
Көліктегі полиция департаментінің мәліметінше, 27 жастағы қызметкер 2025 жылдың мамырынан шілдесіне дейін жолаушыларға тиесілі 33 смартфонды ұрлап, жалпы шығын 7,6 миллион теңгені құраған.
«Тергеу барысында келтірілген залал толық көлемде өтелді. Түрксіб аудандық соты айыпталушыны кінәлі деп танып, 2 жыл 6 айға бас бостандығынан айыру жазасын тағайындады», – деп хабарлады ведомство.
Бұған қоса, ер адамның бұған дейін де сотталғаны нақтыланды.